Ez da sekretua estudio batzuek gustuko dutela ikusleei keinu bat edo beste egitea zenbait erreferentzia tartekatuz beren film eta marrazkietan; eta Pixarrekoak (Munstroak S.A., Nemoren bila, U) maisuak dira film bateko elementuak eta pertsonaiak beste batean “ezkutatzen”. Hori bai, erne ez bagaude, ez gara konturatu ere egingo.
Dena dela, Pixarren marrazki bizidunetako film guztietan Pizza Planeteko kamioneta hori agertzearen arrazoia zein den ez dago garbi.
Izan ere, beste artikulu batean, hemen bertan, azaldu genuen bezala, Pixarrekoak hainbat elementurekin jolastu zaleak dira, eta horietako bat, Pizza Planet Truck da, pizza-partitzen jarduten kamioneta hori. Hurrengo bideo honetan ikusi ahal izango duzun bezala, konpainiak plazaratutako ia film guztietan agertzen da kamioneta.
Ikusi berri duzun laburpen-bideoa YouTubeko FunWithGuru kanalak ekoiztu zuen, Pizza Planeteko kamioneta agertzen den film guztien errepaso gisa. Bestalde, bideoaren arabera, 1995-2013 bitartean, film bakarra huts egin du kamionetak: “The Incredibles” (euskaraz Harrigarriak). Ohartua zinen Pixarren jolas horretaz?